دشرو: تركو بحالو
شيت : تبع ( شيتي = تبعيتي)
ماني غضران: يعني أنا مو قادر جسديا
تشكلو آسي: (بعيد الشر عن قلبي) يعني ريتني موت
قبلكون وتيجو تزورو قبري وتشكلولي آسة عالقبر والآس: نبتة بتضل خضرا لفترة طويلة فبتسلي الميت
بخضارها
الواه الواه: تعبير نسائي قح يفيد التمسخر على شيء ما
معبّا بـ بنطرون: يعني ما بيفهم
ولا : آداة نهر وزجر
.
ورصاص : يعني تموت قتل
إيدي بزنارك : تعبير يستخدم للتعبير عن الرجاء مع الإستغاثة
.
دخيل الله : يختلف المعنى حسب الموقع في الجملة فبيكون للاستغاثة بالله عند الخوف وبيكون أداة تهويل وغزل لما بينقال وقت بتمرق بنت حلوة
ضرّاب السخن : وهي مسبة.. ومعناها .... مابعرف مسبة وبس
يوه : أداة تعجب عند النساء
.
بحبش : كمان فعل ماضي ومعناه البحث مع التمحيص
ينمحق : معناه يسطفل
يبعتلو حمى : دعوة معناها يمرض وتصيبو حمى
يتحورق : متل يبعتلو حمى
انضرب على قلبو : يعني كان منيح وفجأة فقس
يتقوص : كمان
ينمحئ : كمان هيك شي
وين غاطط : غاطط إسم الفاعل من فعل غط يغط غطاً ومعناه يرووح وماعاد يبين
والسبع تنعام : تعبير للترحيب
مسبع الكارات: يعني بيعرف كزا صنعة أو شغلة
دايق خلقي : يعني دايق خلقي
بدك تاكل العنب ولا تقاتل الناطور : يعني ما تلتهي بشغلة عن شغلتك الأساسية
حيط بياخذو وحيط بيجيو : يعني يا مريض ودايخ يا سكران بيترنح
مابيعرف الخمسة من الطمسه: يعني دب
مو عارف الله وين حاطو : شرحا
شو في ما في : يعني شو في وزادو (ما في) هيك بلا طعمة
.
سرّي مرّي: بتنقال ليلي بيخفق برات البيت
شروي غروي: يعني من هون ومن هون
شندي بندي : شرحا
شرحا: يعني متلا
فايت بالحيط : هي بقا لحالا حكاية وبتتفسر حسب موقعها من الجملة وممكن تكون مو عارف شي من شي وممكن دايخ أو فايق من النوم وممكن ما بيفهم ..... ألخ
طاقق الفيوز : يعني مضروب بعقلو بس مو رايح كل عقلو بقيان شوي
.
مأجر: يعني مأجر عقلو وما عم يستخدمو
مجنط : مفلس ولا قرش
كحته : يعني بخيل
جلدة : شرحا
شاطط ماطط : دلوع حبيب الماما
نعيان : يعني قلبو بارد
نايط : شرحا
نيئة عن الخليقة : تقال ليلي ما بدو متل ما الكل بدون
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : هي الأداة من فعل شحط يشحط شحطاً وهيي مايلبسه المرء في قدمه عندما يكون في المنزل
شحطوه : يعني أخدوه عالحبس
كفتوه : شرحا
بيت خالتو: الحبس
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
ومشهور إستخدام هالمصطلح عند راكبو الدراجات الهوائية
يبعتلو أتلو : يعني ياكل قتلة مو حاسب حسابا لا عالبال ولا عالخاطر
غليظ : مزحو بايخ
سمج : دمو تقيل
موسوس : بيدقق كتير
عقلو جوزتين بخرج : يعني عقلو بيخض
متل الأطرش بالزفة : ما بيعرف شو صاير حولو
حاج تحوص وتلوص : يعني حاجة تفتل وتدور
شوية لخار : بعد شوي .. بس كأنو هي مستوردة من حماة
!
بنت عمي : يعني مرتي ...حلوة متل البدر يا سبحان الخالقها .. حلفتلها بليلة القدر .. لا بخونا ولا بطلقها
السبت أبريل 21, 2007 6:46 am
