عدد الرسائل : 15 العمر : 40 تاريخ التسجيل : 12/04/2007
موضوع: معاناة الشعب الأحد أبريل 15, 2007 8:45 am
معاناة الشعب ماذا يقول بائع اليانصيب للزبون ليقنعه أن يشتري ورقة يا نصيب؟؟ الجواب: لعما على ها الحالة البهوي وهوا نضيف ما عاد في دخان وعجئة وناس والناس عم تنداس بالصرامي والشريف صار حرامي والحرامي صار مسؤول والمسؤول ما حدا عم يسألو والأسئلة صارة كتيرة وما حدا عم يلائي أجوبة والأجوبة لازم نكتبا بالامتحان وبالإمتحان يكرم المرء أو يهان وإذا انكرم بينجح وإذا نجح ما بلائي وظيفة والوظيفة ما حدا عم يكتبا واللي ما يكتبا بيسقط والمصايب علينا عم تسقط المصيبة ورا التاني والتاني ألعن من الأولى يييييي ع القناة الأولى برامجا بايخة والمذيعة فيا دايخة بشوفا الواحد من وقت ما بكون صغير والصغير بدو يكبر ومنين بدك تلحئ يا معتر فواتير كهربا ومي ولا أجرة البيت وبيت للاّجار ما عم تلائي وإذا عم تلائي ما عم تئدر تستاجر وإذا استأجرت ما بئدر تدفع لأنو الأجرة غالية والغالي حقو معو والعقد ست أشهر والشهر ورا الباب والباب مخلوع من زمان والزمان كأهله وأهله كما ترى وهاي إذا فيك تشوف واللي عم يشوف عم يسكت واللي ما بيسكت صار عملة نادرة ونادر سافر لبرا لأنو برا أحسن من جوا وجوا ما في شغل إلا بالقطاع الخاص والقطاع الخاص بيطلب اّنسات واّنسات مو حيلة ذات مظهر لائق وإمكانيات بارزة وشو ها الدنيا الكبير عم ياكل الصغير والصغير ما عم يلائي حق الخبزات وليشتري خبز بدو يوئف بالدور والخبز صار أليل واليل أوام عم يروح لأنو الدنيا شتي والشتي بدا مازوت والمازوت عم يتهرب والتهريب ممنوع والممنوع صار مرغوب والمرغوب تتحسن ها الحالة والحالة صارت زبالة والزبالة بالشارع والشارع العربي ساكت والسكوت علامة الرضا والرضا يعني القبول والقبول بالجامعات بدو واسطة والواسطة عم تلعب دورا والدوري ما عم ناخدوا واللي بياخد ما عم يعطي ويعطينا خير ها الأعدة والأعدة ما عادت لازمة ولازم نئوم نوئف وإذا وئفنا منتعب وإذا تعبنا منمرض والمرض ما عم يلتاّلو دوا والدوا بالصيدلية والصيدلية مسكرة والسكر عم يغلا والغالي الله يرجعو بالسلامة والسلامة يعني الأمان وأمان بها الدنيا ما في وفي يعني حرف جر والجر يعني السحب والسحب نهار الثلاثاء والثلاثاء يعني بكرى وبكرى بتتغير حياتك وبحياتك لا تندم ع الماضي والمالو ماضي مالو مستقبل والمستقبل أدامك وأدامك سيارة والسيّارة مستعجلة............ لا إله إلا الله الله يتولاك برحمتو. هذه هي النهاية التعيسة للزبون بعد سماع ما قاله بائع اليانصيب عندها لم يرى امامه فصدمته سيارة من نوع المرسيدس المفيمة وكان بداخلها إبن مسؤول عم يلطش بنات وما نو شايف أدامو. الخاتمة: وفي النهاية لا يسعني إلا أن أقول الله يرحمو وشكرا لكم لإصغائكم لموضوعي وأتمني أن يكون قد أعجبكم وإلى اللقاء في مواضيع أخرى إن شاء الله.... مع تحيات:العميل 777
mgrr
عدد الرسائل : 54 تاريخ التسجيل : 11/04/2007
موضوع: رد: معاناة الشعب الأحد أبريل 15, 2007 1:38 pm
[size=18]لك واللعيلة عميل اي والله وانا عم اقرا الموضوع متت لاني تزكرت الحالة يلي عايش فيها انا وشكرن كتير علا الموضوع وكل كلامك صحيح علييي الطلاق هههههههههههههههههه[/size]
mgrr
عدد الرسائل : 54 تاريخ التسجيل : 11/04/2007
موضوع: رد: معاناة الشعب الأحد أبريل 15, 2007 1:40 pm
انا غبي كل ما كتب شي ما بيكبر بعدين عميل غير لونك هادا لوني
MOLHAMeto
عدد الرسائل : 34 العمر : 45 تاريخ التسجيل : 10/04/2007
موضوع: رد: معاناة الشعب الثلاثاء أبريل 17, 2007 4:11 am
بربي انو موضوعك بيفرط الواحد من الضحك بس بعد الضحك بربي بيفوتو على بيت خالتو و اذا فات غير الله ما عاد حدا يخليه يطلع من بيت خالتو يخرب كوشتك يا عميل 777 على الطلاق شغلتك شغله
الله يعطيك العافيه يا غالي
A7LA Dj 3MoOoOoRa مشرف
عدد الرسائل : 109 تاريخ التسجيل : 09/04/2007
موضوع: رد: معاناة الشعب الثلاثاء أبريل 17, 2007 5:00 am
والناس عم تنداس بالصرامي والشريف صار حرامي والحرامي صار مسؤول والمسؤول ما حدا عم يسألو
عميل ضب اغراضك وضب البطانبة ومخدة وجهز حالك
ولا يهمك بجبلك حلاوة على الحبس
ههههههههههههههههههههههههههههههههههههههههههههههههه
مشكور كتير موضوع اكتر من رائع
العميل 777
عدد الرسائل : 15 العمر : 40 تاريخ التسجيل : 12/04/2007
موضوع: رد: معاناة الشعب الثلاثاء أبريل 17, 2007 6:26 am
[color=red]شكرا الكون حبايبي أخي ملهم وأخي مجرر وأخي وصديقي للتنكة اللي بدو يجبلي حلاوة أحلى من أحلى ديد جي عمورة وبدي الكون أنو أنا ما جبت شي من عندي حبايبي هاد كلو من الواقع وعكلن اذا صرلي شي بطلب من عمورة يجبلي مكدوس وخبز لانو انا ما بحب الحلاوة والمعاني
[color:e557=red:e557]ليست بالكلمات المعاني في الحروف ولكم جزيل الشكر.......
A7LA Dj 3MoOoOoRa مشرف
عدد الرسائل : 109 تاريخ التسجيل : 09/04/2007
موضوع: رد: معاناة الشعب الثلاثاء أبريل 17, 2007 6:32 am